«Қазақстан халқына» қоғамдық қорының қолдауымен Теміртау қаласындағы №10 жалпы білім беру орта мектебінде ауқымды жаңарту жұмыстары жүзеге асты. Бастама «QH: Білім-инновация лицейлерінің тәжірибесін енгізу» жобасы аясында қолға алынған. Жаңа жабдықтармен қамтамасыз етілген биология, физика және химия кабинеттері оқушылар үшін заманауи әрі тартымды білім беру ортасын қалыптастыруда.

Мектеп ұжымы оқу процесінің тиімділігі, оқушылардың білімге зейіні артқанын алға тартады. Осылайша, жаңашылдық білім сапасын жаңа деңгейге көтеруге мүмкіндік беріп отыр.